- Album Intro
- Lyrics
- Album list
- Singer Intro
台客電力公司
-
原點
Lyricist:柯大堡 Composer:柯大堡 Arranger:沈安
我只是一個平凡的人 偌濟夢 只有望 認命敢一定就無彩工 飯碗嘛著看人捧
我本來毋是憂愁的人 大霧中 嘛快活 沿路的景致雖然迷人 今煞毋敢行傷倚
一點點 一點點啊失去 是少年的勇氣 越頭看著 相信我的你 毋捌一句看輕
我將家己來放予空 踏入這片山 隨著漸漸搝懸的海拔 重新來下願 我將家己的心清空 踏入這片山 滿載而歸 雲散天開 佇七彩湖岸邊 寫一條歌
猶原是上驚遺憾的人 吼出聲 較袂疼 軟汫踮這陣共掖落山跤 拍斷手骨繼續行
一點點 揣轉來我過去 少年的勇氣 越頭看著 相信我的你 毋捌一句看輕
我將家己來放予空 踏入這片山 隨著漸漸搝懸的海拔 重新來下願 我將家己的心清空 踏入這片山 滿載而歸 雲散天開 佇七彩湖岸邊 寫一條歌 我佇七彩湖岸邊 重新作夢
------------------------------------------
22906/《原點》Guân-tiám 柯大堡Kua Tāi-pó 台客電力公司Tâi-kheh Tiān-li̍k-kong-si
我只是一个平凡的人 guá tsí-sī tsi̍t-ê pîng-huân ê lâng 偌濟夢 guā-tsuē bāng 只有望 tsí-ū bāng 認命敢一定就無彩工 jīn-miā kám it-tīng tō bô-tshái-kang 飯碗嘛著看人捀 pn̄g-uánn mā tio̍h khuànn lâng phâng
我本來毋是憂愁的人 guá pún-lâi m̄-sī iu-tshiû ê lâng 大霧中嘛快活 tuā-bū tiong mā khuìnn-ua̍h 沿路的景緻雖然迷人 iân-lōo ê kíng-tì sui-jiân bê-lâng 這陣煞毋敢行傷倚 tsín suah m̄-kánn kiânn siunn uá
一點點 tsi̍t-tiám-tiám 一點點仔失去 tsi̍t-tiám-tiám-á sit--khì 是少年的勇氣 sī siàu-liân ê ióng-khì 越頭看著相信我的你 ua̍t-thâu khuànn-tio̍h siong-sìn guá ê lí 毋捌一句看輕 m̄-bat tsi̍t-kù khuànn-khin
Find more lyrics at ※ Mojim.com 我將家己來放予空 guá tsiong ka-kī lâi pàng hōo khang 踏入這片山 ta̍h-ji̍p tsit phiàn suann 隨著漸漸搝懸的海拔 suî tio̍h tsiām-tsiām giú kuân ê hái-pua̍t 重新來下願 tiông-sin lâi hē-guān
我將家己的心清空 guá tsiong ka-kī ê sim tshing-khang 踏入這片山 ta̍h-ji̍p tsit phiàn suann 滿載而歸 buán-tsài jî kui 雲散天開 hûn suànn thinn khui 佇七彩湖岸邊 tī tshit-tshái-ôo huānn-pinn 寫一條歌 siá tsi̍t-tiâu kua
猶原是上驚遺憾的人 iu-guân sī siōng kiann uî-hām ê lâng 哭出聲 khàu tshut-siann 較袂疼 khah buē thiànn 軟汫踮這陣 nńg-tsiánn tiàm tsit-tsūn 共掖落山跤 kā iā lo̍h suann-kha 拍斷手骨繼續行 phah-tn̄g tshiú-kut kè-sio̍k kiânn
一點點揣轉來 tsi̍t-tiám-tiám tshuē tńg-lâi 我過去少年的勇氣 guá kuè-khì siàu-liân ê ióng-khì 越頭看著相信我的你 ua̍t-thâu khuànn-tio̍h siong-sìn guá ê lí 毋捌一句看輕 m̄-bat tsi̍t-kù khuànn-khin
我將家己來放予空 guá tsiong ka-kī lâi pàng hōo khang 踏入這片山 ta̍h-ji̍p tsit phiàn suann 隨著漸漸搝懸的海拔 suî tio̍h tsiām-tsiām giú kuân ê hái-pua̍t 重新來下願 tiông-sin lâi hē-guān
我將家己的心清空 guá tsiong ka-kī ê sim tshing-khang 踏入這片山 ta̍h-ji̍p tsit phiàn suann 滿載而歸 buán-tsài jî kui 雲散天開 hûn suànn thinn khui 佇七彩湖岸邊 tī tshit-tshái-ôo huānn-pinn 寫一條歌 siá tsi̍t-tiâu kua
我佇七彩湖岸邊 guá tī tshit-tshái-ôo huānn-pinn 重新做夢 tiông-sin tsuè-bāng
- Special thanks to W.B. Chen for correcting the lyric.
- Related Links: W.B. Chen
|