- Lyrics
- Album list
- Singer Intro
黃西田
-
賣魚吉仔
19487/《賣魚吉仔》Bē-hî Kiat--á 黃西田N̂g Se-tiân
賣魚吉仔咿 bē-hî Kiat--á ih~ 為著細漢 uī-tio̍h suè-hàn 讀書無趣味 tha̍k-tsu bô tshù-bī 大漢才咧毋捌字 tuā-hàn tsiah teh m̄-bat jī 啥物頭路做著 siánn-mih thâu-lōo tsuè-tio̍h 攏嘛袂順序 lóng-mā bē sūn-sī 姑不三將 koo-put-sann-tsiong 只好來賣魚 tsí-hó lâi bē-hî 透早雞鵤仔一直啼 thàu-tsá ke-kak-á it-ti̍t thî 阮著趕緊來起 gún tio̍h kuánn-kín lâi peh-khí 啊準備來去菜市仔 ah tsún-pī lâi-khì tshài-tshī-á 做生啊理 tsuè sing--ah lí
喂~小姐太太 ueh~ sió-tsiá thài-thài 阿婆仔佮先生 a-pô-á kah sian-sinn 欸阮的魚仔上蓋鮮 eh gún ê hî-á siōng-kài tshinn 毋信做你提去鼻 m̄-sìn tsuè lí the̍h-khì phīnn 若有臭的 nā ū tshàu--ê 全部送恁 tsuân-pōo sàng lín 毋免錢 m̄-bián tsînn
來喔~ lâi--ooh~ 來啊 lâi--ah 人客啊你著緊來 lâng-kheh--ah lí tio̍h kín lâi 免細膩 bián sè-jī 看是欲買蟳仔蝦仔 khuànn sī beh bé tsîm-á hê-á 蚶仔抑是鱉 ham-á ia̍h-sī pih
我遮嘛有烏鯧白鯧 guá tsia mā ū oo-tshiunn pe̍h-tshiunn 鰗鰡鮕鮘魚 hôo-liu koo-tai-hî 啊魩仔魚佮塗魠魚 ah but-á-hî kah thôo-thoh-hî 嘉鱲魚佮吳郭魚 ka-la̍h-hî kah gôo-keh-hî 啊白帶魚 ah pe̍h-tuà-hî 啊佮著彼號 ah kah tio̍h hit-lō 怹號做水雞的四跤魚 in hō-tsuè suí-ke ê sì-kha-hî
人講鹹魚食著 lâng kóng kiâm-hî tsia̍h-tio̍h 會開脾 ē khui-pî 鰇魚愈哺是愈有味 jiû-hî jú pōo sī jú ū-bī 虱目仔補血助元氣 sat-ba̍k-á póo-hueh tsōo-guân-khì 赤鯮𤉙湯上蓋甜 tshiah-tsang kûn thng siōng-kài tinn 花枝含有維他命C hue-ki hâm-ū uî-thann-bín C 小姐對伊上趣味 sió-tsiá tuì i siōng tshù-bī 食落去到地 tsia̍h--lo̍h-khì kàu-tè Find more lyrics at ※ Mojim.com 心花一直開 sim-hue it-ti̍t khui
你若愛食彼號鮮魚 lí nā ài tsia̍h hit-lō tshinn hî 應該著買旗魚 ing-kai tio̍h bé kî-hî 你若想欲啉燒酒 lí nā siūnn-beh lim sio-tsiú 啊著買鯊魚來配 ah tio̍h bé sua-hî lâi phuè 較合味 khah ha̍h-bī
嘿! 啊這就怪矣 heh! ah tse tiō kuài--ah 這就奇 tse tiō kî 啊我踮遮 ah guá tiàm tsia 喝甲強欲死 huah kah kiōng-beh sí 哪會無甲半个人客 ná ē bô kah puànn-ê lâng-kheh 欲來共我 beh lâi kā guá 交關淡薄仔的生理 kau-kuan tām-po̍h-á ê sing-lí 咿~ ih~
一个小姐看我 tsi̍t-ê sió-tsiá khuànn guá 強欲發脾氣 kiōng-beh huat-phî-khì 啊伊才對我 ah i tsiah tuì guá 坦白來表示 thán-pe̍h lâi piáu-sī 講我的價錢 kóng guá ê kè-tsînn 比人有較貴 pí lâng ū khah kuì
唅~哪有這款的代誌 hannh~ ná-ū tsit khuán ê tāi-tsì 為著生理競爭來所致 uī-tio̍h sing-lí kīng-tsing lâi sóo-tì 到遮來矣 kàu tsia lâi--ah 攏無算本錢 lóng bô sǹg pún-tsînn 決定賣你較便宜 kuat-tīng bē lí khah pân-gî 啊這聲一下喝落去 ah tsit-siann tsi̍t-ē huah--lo̍h-khì 逐家聽著真啊佮意 ta̍k-ke thiann-tio̍h tsin--ah kah-ì
目睭一下𥍉 ba̍k-tsiu tsi̍t-ē nih 所有的貨色 sóo-ū ê huè-sik 攏予人買買去 lóng hōo-lâng bé-bé--khì 等到生理做完畢 tán-kah sing-lí tsuè uân-pit 啊數一下算 ah siàu tsi̍t-ē sǹg 才知不但無趁錢 tsiah tsai put-tān bô thàn-tsînn 顛倒了百二 tian-tó liáu pah-jī
唉~為著欲來顧底蒂 haih~ uī-tio̍h beh lâi kòo té-tì 啊了淡薄仔 ah liáu tām-po̍h-á 算啥物 sǹg siánn-mih 啊只有向望 ah tsí-ū ǹg-bāng 生理會順序 sing-lí ē sūn-sī 過著快樂的日子 kuè tio̍h khuài-lo̍k ê ji̍t-tsí
- Special thanks to W.B. Chen for sharing the lyric.
- Related Links: W.B. Chen
|