- Lyrics
- Album list
- Singer Intro
濁水溪公社
-
永遠存在的台灣
演唱:陳明章 、 林生祥 、 以莉高露 、 董事長阿吉 、 Freddy 、 何欣穗 、 柯仁堅 、 黃連煜 、 朱頭皮 、 流氓阿德 、 楊大正 、 蘇宥蓉 、 蕭玉芬 、 林喬安 、 施文彬 、 林理惠 、 Penny 合聲:蕭蔓萱 、 謝文德 Lyricist:柯仁堅 Composer:柯仁堅 Arranger:王希文.柯仁堅
福爾摩沙 阮全心讚美妳 美麗田園 珊瑚海岸 青翠的山嶺 族群包容關懷 多元價值 有緣來牽長情 美夢相隨 雖然受到外邦的統治 時代挑戰 像走馬燈 堅強老百姓 苦難中團結一致 燦爛詩篇 多少英雄惦海湧中淘盡
自由歌聲響徹周圍 從尚高山到西太平洋 番薯不驚落土爛 枝葉代代湠
勇敢台灣人 濟濟犧牲無怨恨 幸福就在這 歡喜悲傷鬥陣行 風雨同路 宿命把握在手中大聲喊 不管花開花謝 嘛不管濛霧外大 台灣是咱生命
福爾摩沙 阮全心守護妳 民俗風情 歷史古蹟 繁華成過去 平凡善良的故事 活在記持 宮廟埕 樹仔腳 流傳下去 有蓋多人嫌傳統不新奇 俗擱有力 水果芳甜 外國人攏甲意 物產資源金豐富 通食有剩 飲水思源 好康 無塊可比
自由歌聲響徹周圍 從尚高山到西太平洋 番薯不驚落土爛 枝葉代代湠
雨夜的花蕊 凋落無人看見 到底置叼位 四界聽到妳名字 無厝孤鳥 半暝哮啾啾 乎人來輕視 發揚民族精神 不做別人的奴隸 總有一天出頭天
千百年歲月 季風交會所在 妳是沒怨的母親 乎咱無盡的疼惜 年輕的國家 驕傲站起世界大舞台 一生抱著咱的夢 永遠存在的台灣! 一生靠著這個夢 永遠存在的台灣! 每一遍心內塊叫妳 永遠存在的台灣! Formosa 台灣!
------------------------------------------
9900/《永遠存在的臺灣》Íng-uán Tsûn-tsāi ê Tâi-uân 濁水溪公社樂團Lô-tsuí-khe Kong-siā Ga̍k-thuân 陳明章Tân Bîng-tsiong 林生祥Lîm Sing-siông 以莉高露Ilid Kaolo 吳永吉Ngôo Íng-kiat 林昶佐Lîm Thióng-tsò 何欣穗Hô Him-suī 柯仁堅Kua Jîn-kian 黃連煜N̂g Liân-io̍k 朱約信Tsu Iok-sìn (豬頭皮Ti-thâu-phuê) 鱸鰻阿德Lôo-muâ A-tik(黃永德 N̂g Íng-tik) 楊大正Iûnn Tāi-tsìng 蘇宥蓉Soo Iū-iông(蘇路Soo Lōo) 蕭玉芬Siau Gio̍k-hun 林喬安Lîm Kiâu-an 施文彬Si Bûn-pin 林理惠Lîm Lí-huī Penny
Formosa 阮全心呵咾你 gún tsuân-sim o-ló lí 美麗田園 bí-lē tshân-hn̂g 珊瑚海岸 suan-ôo hái-huānn 青翠的山嶺 tshinn-tshuì ê suann-niá
族群包容關懷 tso̍k-kûn pau-iông kuan-huâi 多元價值 to-guân kè-ta̍t 有緣來牽長情 ū-iân lâi khan tn̂g-tsîng 美夢相隨 bí-bāng siong-suî
雖然受著外邦的統治 sui-jiân siū-tio̍h guā-pang ê thóng-tī 時代挑戰 sî-tāi thiau-tsiàn 像走馬燈 tshiūnn tsáu-bé-ting 堅強老百姓 kian-kiông lāu-peh-sìnn
苦難中團結一致 khóo-lān tiong thuân-kiat it-tì 燦爛詩篇 tshàn-lān si-phinn 偌濟英雄 guā-tsē ing-hiông 踮海湧中淘盡 tiàm hái-íng tiong tô-tsīn
自由歌聲 tsū-iû kua-siann 響徹周圍 hiáng-thiat tsiu-uî 對上懸山 tuì siōng kuân suann 到西太平洋 kàu Se-Thài-pîng-iûnn 番薯毋驚落塗爛 han-tsî m̄-kiann lo̍h-thôo nuā 枝葉代代湠 ki-hio̍h tāi-tāi thuànn
勇敢臺灣人 ióng-kám Tâi-uân-lâng 濟濟犧牲無怨恨 tsē-tsē hi-sing bô uàn-hūn 幸福就佇遮 hīng-hok tiō tī tsia 歡喜悲傷鬥陣行 huann-hí pi-siong tàu-tīn kiânn
風雨仝路 hong-hōo kāng lōo Find more lyrics at ※ Mojim.com 宿命把握踮手中 siok-miā pá-ak tiàm tshiú-tiong 大聲喝 tuā-siann huah 毋管花開花謝 m̄-kuán hue khui hue siā 嘛毋管雺霧偌大 mā m̄-kuán bông-bū guā tuā 臺灣是咱性命 Tâi-uân sī lán sènn-miā
Formosa 阮全心守護你 gún tsuân-sim siú-hōo lí 民俗風情 bîn-sio̍k hong-tsîng 歷史古蹟 li̍k-sú kóo-tsik 繁華的過去 huân-huâ ê kuè-khì
平凡善良的故事 pîng-huân siān-liông ê kòo-sū 活在記持 ua̍h tsāi kì-tî 宮廟埕 kiong-biō-tiânn 樹仔跤 tshiū-á-kha 流傳落去 liû-thuân--lue̍h-khì
有蓋濟人 ū kài tsuē lâng 嫌傳統無新奇 hiâm thuân-thóng bô sin-kî 倯閣有力 sông koh ū-la̍t 水果芳甜 tsuí-kó phang-tinn 外國人攏佮意 guā-kok-lâng lóng kah-ì
物產資源真豐富 bu̍t-sán tsu-guân tsin hong-hù 通食有賰 thang tsia̍h ū tshun 飲水思源 ím-suí su-guân 好空無地可比 hó-khang bô-tè khó-pí
自由歌聲 tsū-iû kua-siann 響徹周圍 hiáng-thiat tsiu-uî 對上懸山 tuì siōng kuân suann 到西太平洋 kàu Se-Thài-pîng-iûnn 番薯毋驚落塗爛 han-tsî m̄-kiann lo̍h-thôo nuā 枝葉代代湠 ki-hio̍h tāi-tāi thuànn
雨夜的花蕊 ú-iā ê hue-luí 凋落無人看見 tiau--lo̍h bô-lâng khuànn-kìnn 到底佇佗位 tàu-té tī tó-uī 四界聽著你名字 sì-kè thiann-tio̍h lí miâ-jī
無厝孤鳥 bô tshù koo-tsiáu 半暝吼啾啾 puànn-mî háu tsiú-tsiú 予人來輕視 hōo-lâng lâi khin-sī 發揚民族精神 huat-iông bîn-tso̍k tsing-sîn 莫做別人的奴隸 mài tsò pa̍t-lâng ê lôo-lē 總有一工出頭天 tsóng ū tsi̍t-kang tshut-thâu-thinn
千百年歲月 tshian-pah nî suè-gua̍t 季風交會所在 kuì-hong kau-huē sóo-tsāi 你是無怨的母親 lí sī bô uàn ê bú-tshin 予咱無盡的疼惜 hōo lán bû-tsīn ê thiànn-sioh 少年的國家 siàu-liân ê kok-ka 驕傲徛起世界大舞臺 kiau-ngōo khiā-khí sè-kài tuā-bú-tâi 一生抱著咱的夢 it-sing phō tio̍h lán ê bāng 永遠存在的臺灣 íng-uán tsûn-tsāi ê Tâi-uân
一生靠著這个夢 it-sing khò tio̍h tsit ê bāng 永遠存在的臺灣 íng-uán tsûn-tsāi ê Tâi-uân 每一遍心內咧叫你 muí tsi̍t-piàn sim-lāi teh kiò lí 永遠存在的臺灣 íng-uán tsûn-tsāi ê Tâi-uân 啊~臺灣 ah~ Tâi-uân 啊~臺灣 ah~ Tâi-uân
- Special thanks to liangSiuSiu for sharing the lyric.
- Special thanks to liangSiuSiu W.B. Chen for correcting the lyric.
- Related Links: W.B. Chen
|