- Lyrics
- Album list
- Singer Intro
朱頭皮
-
外好汝甘知
Lyricist:李坤城 Composer:伍佰
咱若是心頭結歸裘 著來飲酒濕一咧濕一咧 外好汝甘知(好啦)
有人飲酒假紳士 有人飲酒脫霓舞 有人飲酒愛唱歌 我若飲酒話著一大攤 有人飲酒面絿絿 有人飲酒撚嘴鬚 有人飲酒搥心肝 我若飲酒尚愛招酒伴(哈麥) 人生親像一盤棋 成功失敗思雙枝(甘拜 殺鹿 氣予死 乾杯)
出入江湖講身不由己 風度永遠愛保持 酒量若有尚得意 但是酒品統要緊 若欲臭彈歕雞規 請汝趕緊趁酒醉 飲落去 飲落去 毋倘漏氣 醉落去 醉落去 逐家歡喜
咱若是心情咧憂愁 著來飲予馬西馬西 毋通胡白想(好咧) 來來來 我的朋友好兄弟(尤伊 油伊 游揖) 燒酒著給飲落去 毋倘飼金魚(好啦 好啦) 請逐家燒酒繼續斟(縮咧) 給伊斟予伊(表面張力)外好汝甘知(嗦淚 縮淚)
哈麥咱若是心頭結歸裘 著來飲酒濕一咧濕一咧 外好汝甘知(知啦)
彼落阿土阿草仔出世作酒蟲 無代無誌嘛會找孔縫 無事幹也會找花樣 阿仁阿義仔干哪一杯落腹 紅關公著走出來弄 杯底毋倘飼蟾蜍 杯底毋倘種蕃薯 杯底毋倘飼紅蟳 杯底毋倘娶細姨
人講酒醉嘛心頭定 毋倘藉口欲賈人車拼 飲酒尚驚敖牽拖 暈暈相掙講毋知疼 人生永遠是向前行 飲啦 飲啦 免著驚 面子暫時免論輸贏 剖復交陪朋友成(哈麥)
講著飲酒 我攏無步 講著食燻 我火著著 講著檳榔 我著吐血 講著賭筊 我著會氣 若閣欲臭彈歕雞規 請汝趕緊趁酒醉 飲落去 飲落去 毋倘漏氣 醉落去 醉落去 逐家歡喜
咱若是心頭結歸裘 著來飲酒濕一咧濕一咧 外好汝甘知(知啦) 我咧外爽汝甘知(知啦)我咧外贊汝甘知(知啦) 我咧外好汝甘知(搭搭答搭瘩)
------------------------------------------
Lyricist:李坤城 Composer:伍佰
《偌好你敢知》Guā Hó Lí Kám Tsai 朱約信 Tsu Iok-sìn (豬頭皮Ti-thâu-phuê)
咱若是心頭結規球 lán nā-sī sim-thâu kiat-kui-kiû 就來啉酒 tiō lâi lim-tsiú 溼一下溼一下 sip--tsi̍t-ē sip--tsi̍t-ē 偌好你敢知 guā hó lí kám tsai
有人啉酒啊假紳士 ū-lâng lim-tsiú--ah ké sin-sū 有人啉酒啊脫衣舞 ū-lâng lim-tsiú--ah thuat-i-bú 有人啉酒啊愛唱歌 ū-lâng lim-tsiú--ah ài tshiùnn-kua 我若啉酒話就一大攤 guá nā lim-tsiú uē tiō tsi̍t-tuā-thuann
有人啉酒會面虯虯 ū-lâng lim-tsiú ê bīn khiû-khiû 有人啉酒啊撚喙鬚 ū-lâng lim-tsiú--ah lián tshuì-tshiu 有人啉酒啊捶心肝 ū-lâng lim-tsiú--ah tuî-sim-kuann 我若啉酒上愛招酒伴 guá nā lim-tsiú siāng ài tsio tsiú-phuānn
人生親像一盤棋 jîn-sing tshin-tshiūnn tsi̍t-puânn kî 成功失敗思雙枝 sîng-kong sit-pāi su-siang-ki
出入江湖啊 tshut-ji̍p kang-ôo--ah 身不由己啊 sin put-iû kí--ah 風度永遠都愛保持 hong-tōo íng-uán to ài pó-tshî 酒量若有啊上得意 tsiú-liōng nā ū--ah siōng tik-ì 但是酒品啊緟要緊 tān-sī tsiú-phín--ah thōng iàu-kín 若欲臭彈來歕雞胿啊 nā berh tshàu-tuānn lâi pûn-ke-kui--ah 請你趕緊來趁酒醉 tshiánn lír kuánn-kín lâi thàn tsiú-tsuì 啉落去 lim--lueh 啉落去 lim--lueh 毋通落氣 m̄-thang làu-khuì 醉落去 tsuì--lueh 醉落去 tsuì--lueh 逐家歡喜 ta̍k-ke huann-hí
咱若是心情咧憂愁 lán nā-sī sim-tsîng teh iu-tshiû 就來啉予馬西馬西 tiō lâi lim hōo má-se-má-se 毋通烏白想 m̄-thang oo-pe̍h siūnn 來來來 lâi lâi lâi 我的朋友好兄弟 guá ê pîng-iú hó hiann-tī 燒酒就共啉落去 sio-tsiú tiō kā lim--lo̍h-khì Find more lyrics at ※ Mojim.com 毋通飼金魚 m̄-thang tshī kim-hî 請逐家燒酒繼續斟 tshiánn ta̍k-ke sio-tsiú kè-sio̍k thîn 共伊斟予伊表面張力 kā i thîn hōo i biǎobiànzhānglì 偌好你敢知喔 guā hó lí kám tsai--ooh
咱若是心頭結規球 lán nā-sī sim-thâu kiat-kui-kiû 就來啉酒 tiō lâi lim-tsiú 溼一下溼一下 sip--tsi̍t-ē sip--tsi̍t-ē 偌好你敢知 guā hó lí kám tsai
彼號阿塗阿草仔 hit-lō a-thôo a-tsháu--á 出世做酒蟲 tshut-sì tsuè tsiú-thâng 無代無誌嘛會揣空縫 bô-tāi-bô-tsì mā ē tshuē khang-phāng 阿仁阿義仔 a-jîn a-gī--á 干焦一杯落腹 kan-na tsi̍t-pue lo̍h-pak 紅關公就走出來弄 âng-kuan-kong tō tsáu tshut-lâi lāng
杯底毋通飼螿蜍 pue-té m̄-thang tshī tsiunn-tsî 杯底毋通種番薯 pue-té m̄-thang tsíng han-tsî 杯底毋通飼紅蠘 pue-té m̄-thang tshī âng-tshi̍h 杯底毋通娶細姨 pue-té m̄-thang tshuā sè-î
人講酒醉嘛 lâng kóng tsiú-tsuì--mah 心頭定 sim-thâu tiānn 啊毋通借口 ah m̄-thang tsioh-kháu 欲佮人捙拚 beh kah lâng tshia-piànn 啉酒上驚 lim-tsiú siōng kiann 咧𠢕牽拖 leh gâu khan-thua 啊愣愣相舂 ah gông-gông sio-tsing 講毋知疼 kóng m̄-tsai thiànn 啊人生永遠 ah jîn-sing íng-uán 是向前行 sī hiòng-tsîng kiânn 啊啉啦啉啦 ah lim--lah lim--lah 免著驚 bián tio̍h-kiann 啊面子暫時啊 ah bīn-tsú tsiām-sî--ah 免論輸贏 bián lūn su-iânn 破腹交陪 phuà-pak kau-puê 朋友晟 pîng-iú tshiânn
若講著啉酒 ā kóng-tio̍h lim-tsiú 我攏無步 guá lóng bô-pōo 若講著食薰 ā kóng-tio̍h tsia̍h-hun 我火就著 guá hué tiō to̍h 若講著檳榔 ā kóng-tio̍h pin-nn̂g 我就吐血 guá tō thòo-hueh 若講著跋筊 ā kóng-tio̍h pua̍h-kiáu 我就會氣(去) guá tō ē khì
若閣欲 nā koh beh 臭彈歕雞規 tshàu-tuānn pûn-kue-kui 請你趕緊 tshiánn lí kuánn-kín 來趁酒醉 lâi thàn tsiú-tsuì 啊啉落去 ah lim--lueh 啉落去 lim--lueh 毋通落氣 m̄-thang làu-khuì 啊醉落去 ah tsuì--lueh 醉落去 tsuì--lueh 逐家歡喜 ta̍k-ke huann-hí
咱若是心頭結規球 lán nā-sī sim-thâu kiat-kui-kiû 就來啉酒 tiō lâi lim-tsiú 溼一下溼一下 sip--tsi̍t-ē sip--tsi̍t-ē 偌好你敢知 guā hó lí kám tsai
我咧偌爽你敢知 guá leh guā sóng lí kám tsai 我咧偌贊你敢知 guá leh guā tsán lí kám tsai 我咧偌好你敢知 guá leh guā hó lí kám tsai
- Special thanks to W.B. Chen for correcting the lyric.
- Related Links: W.B. Chen
|